COP17-ի կենտրոնում․ հանուն բնության և կենսաբազմազանության պահպանման

Պլեխանովի անվ. Ռուսաստանի տնտեսագիտական համալսարանի Երևանի մասնաճյուղի ուսանողներն ու ներկայացուցիչները մասնակցում են Երևանում ընթացող COP17-ին՝ ՄԱԿ-ի Կենսաբազմազանության մասին կոնվենցիայի կողմերի համաժողովին։

 

Կենսաբանության և էկոլոգիայի դասերի շրջանակում ուսանողները մասնակցում են թեմատիկ հանդիպումների, թեստերի, ինտերակտիվ խաղերի, ֆիլմերի ցուցադրությունների և այլ կրթական միջոցառումների։

 

Համաժողովի ծրագրին ուսանողների հետ ակտիվորեն մասնակցում է նաև կենսաբանության դասախոս Անահիտ Աբաջյանը, որը բնապահպանական կրթության ոլորտում ակտիվ աշխատանքի և ներդրման համար արժանացել է հատուկ շնորհագրի։

 

Մասնաճյուղի ուսանողները COP17-ին մասնակցում են նաև որպես կամավորներ։ Նրանք ներգրավված են Թովմասյան հիմնադրամի տաղավարի աշխատանքներում՝ Երևանի մասնաճյուղի Հոգաբարձուների խորհրդի անդամ Արտակ Թովմասյանի հետ։ Տաղավարը նվիրված է Հայաստանի մշակութային ժառանգության պահպանմանը։