Արթուր Բաղդասարյանի և նրա հետ փոխկապակցված 7 անձի գույքի վրա կալանք է դրվել

Հայաստանում կալանք է դրվել ՀՀ Ազգային անվտանգության խորհրդի նախկին քարտուղար Արթուր Բաղդասարյանի և նրա հետ փոխկապակցված 7 անձի գույքի վրա։

Հարկադիր կատարումն ապահովող ծառայության տեղեկություններով՝ կալանքը կիրառվել է 8 անշարժ գույքի, 1020 միավոր շարժական գույքի, տրանսպորտային միջոցների, ինչպես նաև 435 հազար ԱՄՆ դոլարի փոխառության իրավունքի նկատմամբ։

Արթուր Բաղդասարյանը «Հայկական վերածնունդ» կուսակցության առաջնորդն է, որը նախկինում կոչվել է «Օրինաց երկիր»։ Նա 2008-2014 թվականներին զբաղեցրել է ՀՀ Ազգային անվտանգության խորհրդի քարտուղարի պաշտոնը։