Մեծամոր համայնքին կվերադարձվի 0.12 հա մակերեսով հողամասը. Դատախազություն

Հակակոռուպցիոն դատարանը բավարարել է Արմավիրի մարզի դատախազության հայցը՝ անվավեր ճանաչելով Մեծամոր համայնքի Արգավանդ բնակավայրում գտնվող 0.12 հա հողամասի աճուրդը և դրա հիման վրա կնքված առուվաճառքի պայմանագիրը։

Դատախազությունը հայցադիմումը դատարան էր ներկայացրել 2025 թվականի նոյեմբերի 24-ին՝ ընդդեմ Արգավանդի նախկին ղեկավարի և նրա որդու։

Դատարանի՝ 2026 թվականի հոկտեմբերի 19-ի վճռով անվավեր են ճանաչվել 2008 թվականի մայիսի 11-ին կայացած աճուրդը, Արգավանդ համայնքի և նախկին ղեկավարի որդու միջև կնքված անշարժ գույքի առուվաճառքի պայմանագիրը, ինչպես նաև ֆիզիկական անձի սեփականության իրավունքի պետական գրանցումը։

Վճիռն օրինական ուժի մեջ մտնելուց հետո 0.12 հա մակերեսով հողամասը կվերադարձվի Մեծամոր համայնքին։