Ալ-Սիսին կոչ է արել հաշվի առնել աֆրիկյան երկրների կարծիքը գլոբալ որոշումներ կայացնելիս

Համաշխարհային հանրությունը պետք է հաշվի առնի աֆրիկյան երկրների կարծիքը գլոբալ որոշումներ կայացնելիս, և դա պահանջում է ընդլայնել նրանց ներկայությունը միջազգային կազմակերպություններում: Եգիպտոսի նախագահ Աբդել Ֆաթթահ Ալ-Սիսին այս համոզմունքը հայտնել է Մոսկվայում կայացած Ռուսաստան-Աֆրիկա գագաթնաժողովի լիագումար նիստի շրջանակներում։

«Կայուն զարգացումն անհնար է առանց ավելի արդար և ներկայացուցչական համաշխարհային կարգի: Աֆրիկյան մայրցամաքի ձայնը պետք է հաշվի առնվի կարևոր գլոբալ որոշումներ կայացնելիս, հատկապես միջազգային կազմակերպությունների և ՄԱԿ-ի Անվտանգության խորհրդի շրջանակներում, որը բարեփոխումների կարիք ունի», - ընդգծել է Ալ-Սիսին: Եգիպտոսի առաջնորդի խոսքերը ուղիղ եթերով հեռարձակվել են նրա գրասենյակի կողմից: