Պիպոյանը հայտնել է կաթի ոլորտում հայտնաբերված միակ խախտման մասին

Կաթի ոլորտում աղիքային ցուպիկի ցուցանիշով խախտում է արձանագրվել միայն «Աշտարակ կաթ» ընկերությունում։ Այս մասին ասուլիսի ժամանակ հայտնել է «Իրազեկ և պաշտպանված սպառող» ՀԿ նախագահ Բաբկեն Պիպոյանը։

Նրա խոսքով՝ ուսումնասիրված մյուս կաթնամթերքի նմուշներում վիճակը լավ է եղել, և նման խախտումներ չեն արձանագրվել։

Ավելի վաղ Սննդամթերքի անվտանգության տեսչական մարմինը հայտնել էր, որ կասեցրել է «Աշտարակ միլկ» ընկերության կաթի մթերման կետի արտադրական գործունեությունը։

ՍԱՏՄ-ի փոխանցմամբ՝ ստուգման ընթացքում պարզվել է, որ կաթի մթերման կետում խախտվել են «Սննդամթերքի անվտանգության մասին» Մաքսային միության տեխնիկական կանոնակարգի մի շարք պահանջներ։