Իրանի պաշտպանության նախարարը սպառնացել է պատասխանել ցանկացած նոր հարձակման. «Մեզ անակնկալի չեն բերի»
Իրան
Իրանի պաշտպանության նախարար Մեհրդադ Ախլաղին երկրի հակառակորդներին զգուշացրել է նոր հարձակման դեպքում կոշտ պատասխանի մասին, հաղորդում է Mehr-ը։
Ըստ նրա, Թեհրանը բարձրացնում է մարտական պատրաստվածությունը և թույլ չի տա իրեն անակնկալի բերել։
«Մենք մտադիր ենք ամրապնդել մարտական պատրաստվածությունը և ապահովել անհապաղ, արդյունավետ ու համաչափ պատասխան ցանկացած սպառնալիքի՝ որտեղ էլ այն ծագի, առանց աշխարհագրական սահմանափակումների», — կիրակի օրը սոցցանցերում գրել է նախարարը։
Ախլաղին հայտարարել է, որ առաջնահերթությունների թվում են սպառազինության մշակման և արտադրության արագացումը, արդյունաբերական ու տեխնոլոգիական ենթակառուցվածքների ամրապնդումը, ինչպես նաև զինված ուժերի աջակցության մակարդակի բարձրացումը։
Նախարարի համոզմամբ, ցանկացած ագրեսիա կստանա «վճռական և համաչափ պատասխան»։ Միաժամանակ Իրանի հակառակորդները, ընդգծել է նա, չեն կարողանա որոշել Թեհրանի պատասխան գործողությունների մասշտաբը, ժամանակը կամ հետևանքները։
Ախլաղին նաև հայտարարել է, որ Իրանը չի զիջի արտաքին ճնշմանը և թույլ չի տա սահմանափակել իր գիտական ու տեխնոլոգիական զարգացումը։
«Մենք չենք վարանի Իրանի անվտանգության, անկախության և տարածքային ամբողջականության պաշտպանության հարցում», — հավելել է նախարարը։
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
