Թրամփը հայտարարել է, որ Մակրոնին զգուշացրել է Ֆրանսիայի համար միգրացիայի հետևանքների մասին

ԱՄՆ նախագահ Դոնալդ Թրամփը հայտարարել է, որ զգուշացրել է Ֆրանսիայի նախագահ Էմանուել Մակրոնին, որ միգրացիան կարող է կործանարար հետևանքներ ունենալ Ֆրանսիայի համար։

«Նա (Մակրոնը) լավ տղա է, իմ ընկերն է։ Բայց ես նրան ասացի. «Դու կործանում ես քո երկիրը միգրացիայով»», - ասել է նա New York Post-ի փոդքասթի ժամանակ։

Ամերիկացի առաջնորդի խոսքով՝ աշխարհի տարբեր ծայրերից մարդիկ են գալիս Ֆրանսիա, որոնցից մի քանիսը, նրա պնդմամբ, ատում են երկիրը, նրա ժողովրդին և մշակութային ժառանգությունը։

Թրամփը նշել է, որ նմանատիպ իրավիճակ է նկատվում ոչ միայն Ֆրանսիայում, այլև եվրոպական այլ երկրներում։ Սակայն ԱՄՆ նախագահը պնդել է, որ նման իրադարձություններ Միացյալ Նահանգներում տեղի չեն ունենում, քանի որ իր վարչակազմը թույլ չի տա նման զարգացում։