Լեհաստանը հատուկ նշանակության ուժեր է ուղարկել Ռուսաստանի հետ սահման

Լեհաստանի GROM հատուկ նշանակության ուժերի անդամները ուղարկվել են Կալինինգրադի մարզի հետ սահման՝ մասնակցելու ոստիկանական գործողությանը՝ ենթադրյալ «պլանավորված դիվերսիաները» կանխելու համար։ Այս մասին կառավարության նիստից առաջ հայտարարել է Լեհաստանի վարչապետ Դոնալդ Տուսկը։

«Մենք որոշել ենք այս տարածքում տեղակայել ոստիկանության, սահմանապահ և հակաահաբեկչական զգալի ուժեր», - ասել է Տուսկը, որի խոսքերը ուղիղ եթերով հեռարձակվել են Լեհաստանի կառավարության սոցիալական ցանցերում։ Տուսկը հղում է կատարել լեհական և օտարերկրյա հետախուզական գործակալությունների հաղորդագրություններին, որոնք վերաբերում են ենթադրյալ «սաբոտաժի և սադրանքի» պլանավորմանը՝ առանց որևէ ապացույց ներկայացնելու։

Ռուսաստանի սահմանին GROM հատուկ նշանակության ուժերի ներկայության մասին, որոնց Տուսկը անվանել է «հակաահաբեկչական», առաջին անգամ հայտնել է Wirtualna Polska պորտալը: Պորտալի տվյալներով՝ ստորաբաժանումը կհետևի սահմանին տիրող իրավիճակին: