BYD-ն ռեկորդ է սահմանել․ մեկ ամսում վաճառել է ավելի քան 300 հազար էլեկտրամեքենա

Չինական BYD ավտոարտադրողը հրապարակել է հոկտեմբեր ամսվա վաճառքի ցուցանիշները՝ արձանագրելով կարևոր ռեկորդ։ Ընկերությունը նախորդ ամիս վաճառել է 305 743 ամբողջությամբ էլեկտրական մարդատար ավտոմեքենա, ինչը 37%-ով ավելի է, քան 2025 թվականի հոկտեմբերին։ Սա առաջին դեպքն է, երբ BYD-ի էլեկտրամեքենաների ամսական վաճառքը գերազանցում է 300 հազարը։

Հիբրիդային լիցքավորվող մեքենաները ներառյալ՝ հոկտեմբերին BYD-ն վաճառել է 490 168 նոր էներգետիկ մեքենա (NEV), ինչը 11%-ով ավելի է տարեկան կտրվածքով և 2026 թվականի ամսական ամենաբարձր ցուցանիշն է։ Աճում են նաև արտահանման ծավալները։ Հոկտեմբերին BYD-ն արտասահմանյան շուկաներ է մատակարարել 170 194 նոր էներգետիկ մեքենա։ Տարվա առաջին տասը ամիսներին արտասահմանում մարդատար ավտոմեքենաների և պիկապների վաճառքը հասել է 1 507 395-ի։