Հայերը ևս մեկ քայլով մոտեցել են առանց վիզայի Եվրամիություն ճամփորդելուն. Մարթա Կոս

Եվրամիության ընդլայնման հարցերով հանձնակատար Մարթա Կոսը հայտարարել է, որ Հայաստանի քաղաքացիներն առանց վիզայի Եվրամիություն մեկնելու հնարավորությանը ևս մեկ քայլով են մոտեցել։ Մարթա Կոսն այդ մասին գրել է «Ֆեյսբուք»-ի իր էջում:

Հայերը մեկ քայլով ավելի են մոտեցել դեպի Եվրամիություն առանց վիզա ճամփորդելուն։ Եվրամիության աջակցությամբ Հայաստանի քաղաքացիները կարող են ստանալ նոր կենսաչափական անձնագրեր, ինչը կնպաստի սահմանային ստուգումների արագացմանն ու ճամփորդությունների դյուրացմանը։ Հայաստանն ընտրում է Եվրոպայի հետ ավելի սերտ կապերի ուղին, և մենք այդ ընտրությունը կյանքի ենք կոչում Հայաստանի ժողովրդի համար»,– գրել է Կոսը։