Լիտվայում սկսվել են ՆԱՏՕ-ի լայնածավալ զորավարժություններ

Լիտվայում մեկնարկել են Բունդեսվերի զորավարժությունները, որոնց մասնակցում է ավելի քան 6000 զինծառայող, հաղորդում է LRT-ն։

«Ազատության վահան 26-II և Մեծ արծիվ 26 զորավարժությունները, որոնք կտևեն մինչև դեկտեմբերի 3-ը, ներառում են Լիտվայի 45-րդ զրահատանկային բրիգադի «Լիետուվա» և գերմանական 10-րդ տանկային դիվիզիայի 37-րդ մոտոհրաձգային բրիգադի «Սախսեն» ստորաբաժանումները», - ասվում է հայտարարության մեջ։

Լիտվական և գերմանական զորքերի հետ մեկտեղ մարտական ​​պատրաստություն կանցնեն նաև ՆԱՏՕ-ի բազմազգ մարտական ​​բրիգադի զինծառայողներ Գերմանիայից, Նիդեռլանդներից, Նորվեգիայից, Չեխիայից, Խորվաթիայից, Բելգիայից և Լյուքսեմբուրգից։

Զորավարժությունների հիմնական նպատակն է բարձրացնել զորքերի մարտական ​​պատրաստվածությունը, կատարելագործել հրամանատարական և վերահսկողական գործառույթները, ինչպես նաև ամրապնդել դաշնակիցների հետ համագործակցությունը։