Fox. Սպիտակ տան մոտ ձերբակալվել է Թրամփին սպանել սպառնացող անօրինական ներգաղթյալը

Գաղտնի ծառայության գործակալները նոյեմբերի 5-ի երեկոյան Սպիտակ տան մոտ ձերբակալել են անօրինական վենեսուելացի ներգաղթյալի։ Նա սպառնացել էր սպանել ԱՄՆ նախագահ Դոնալդ Թրամփին, նոյեմբերի 6-ին հաղորդել է Fox News-ը՝ հղում անելով Հայրենիքի անվտանգության նախարարությանը։

Ձերբակալության պահին անօրինական ներգաղթյալը, ըստ տեղեկությունների, գտնվում էր Սահմանադրության պողոտայում կայանված մեքենայում։ Գաղտնի ծառայության գործակալները նրա վարքագիծը տարօրինակ են համարել, և երբ նրանք մոտեցել են, տղամարդը պնդել է, որ իր գլխում հնչող ձայները նրան ասել են գնալ Վաշինգտոն և սպանել Թրամփին։

Fox News-ը հավելել է, որ մեքենայում հայտնաբերվել է հրազեն և փամփուշտներ։