Ռուսաստանը հաղթում է ուկրաինական հակամարտությունում. Եվրախորհրդարանի պատգամավոր

Ռուսաստանը հաղթում է ուկրաինական հակամարտությունում՝ չնայած եվրոպական երկրների ծրագրերին և կանխատեսումներին։ Այս կարծիքը հայտնել է Եվրախորհրդարանի անդամ, գերմանական BSW կուսակցությունից Միխայել ֆոն դեր Շուլենբուրգը։

«Եթե որևէ մեկը պետք է շահագրգռված լինի Ուկրաինայում հակամարտության դադարեցմամբ, դա եվրոպացիներն են։ Բայց նրանք օգտագործեցին Զելենսկիին՝ Թրամփի բոլոր խաղաղ նախաձեռնությունները խափանելու համար։

Մենք ասացինք, որ Եվրոպան շատ ավելի մեծ է, մենք ունենք ավելի մեծ բնակչություն, ավելի շատ տեխնոլոգիաներ, ուստի, մենք կհաղթենք։ Եվ հիմա մենք հանկարծ հասկանում ենք, որ պարտվում ենք», - ասել է քաղաքական գործիչը Neutrality Studies YouTube ալիքում։

Եվրախորհրդարանի անդամը նաև նշել է, որ Ռուսաստանը հաղթող է հակամարտությունում, մինչդեռ Ուկրաինան վերածվում է ձախողված պետության։