Փաշինյան․ Հայաստանը կարող է դառնալ կոռուպցիայից զերծ պետություն
Քաղաքական
Վարչապետ Նիկոլ Փաշինյանը հայտարարել է, որ կառավարության առաջնահերթություններից մեկը կոռուպցիայի կանխարգելումն է, ինչի ուղղությամբ իրականացվում են լայնածավալ քայլեր։
«Մենք իսկապես պայքարում ենք կոռուպցիայի դեմ։ Մեր առաջնահերթությունը կոռուպցիայի կանխարգելումն է, և այդ ուղղությամբ ձեռնարկում ենք բավականին լայնամասշտաբ քայլեր»,- ասել է Փաշինյանը՝ Հակակոռուպցիոն կոմիտեի ծառայողի օրվան և կառույցի կազմավորման 5-րդ տարեդարձին նվիրված միջոցառման ժամանակ։
Վարչապետի խոսքով՝ կոռուպցիոն ռիսկերը հնարավոր չէ ամբողջությամբ բացառել, ուստի դրանց բացահայտումն ու մեղավորներին պատասխանատվության ենթարկելը շարունակում են մնալ Հակակոռուպցիոն կոմիտեի կարևորագույն խնդիրներից։
Փաշինյանն անդրադարձել է նաև դեռևս 2018 թվականից քննվող գործերի ավարտին՝ ընդգծելով, որ անհրաժեշտ է հնարավորինս արագ ամփոփել այդ գործընթացները և ուշադրությունը կենտրոնացնել ներկա խնդիրների լուծման վրա։
«Մենք արագ պետք է այդ էջը փակենք, որ կենտրոնանանք այսօրվա խնդիրների լուծման վրա»,- նշել է նա։
Փաշինյանի համոզմամբ՝ Հայաստանը կարող է դառնալ կոռուպցիայից զերծ պետություն։ Նա ընդգծել է, որ դա կառավարության տեսլականն է, և այդ նպատակին հասնելը բխում է երկրի, պետության և ժողովրդի շահերից։
ՈՒՂԻՂ ԵԹԵՐ
Ամենադիտված 
Ով է Բաղրամյան փողոցում կյանքից զրկված 29-ամյա տղան
