Ռուբիոն ուրվագծել է, թե ինչ է նախատեսվում քննարկել G7-ի արտգործնախարարների հանդիպման ժամանակ

ԱՄՆ պետքարտուղար Մարկո Ռուբիոն հայտարարել է, որ Ֆրանսիայում կայանալիք G7-ի արտաքին գործերի նախարարների հանդիպման ժամանակ մտադիր է կենտրոնանալ ՄԱԿ-ում հաշվետվողականության և արհեստական ​​բանականության ոլորտում նորարարությունների առաջխաղացման վրա։

«Ես հենց նոր ժամանեցի Ֆրանսիա՝ G7-ի արտաքին գործերի նախարարների հանդիպմանը մասնակցելու համար։ Մենք կկենտրոնանանք ՄԱԿ-ում իրական հաշվետվողականության ապահովման և գերբանականության ապագան ապահովելու համար նորարարությունը առաջնահերթ համարող մոտեցման առաջխաղացման վրա», - գրել է Ռուբիոն X սոցիալական ցանցում։

Ավելի վաղ ԱՄՆ նախագահ Դոնալդ Թրամփը առաջարկել էր արհեստական ​​բանականության զարգացման հաջորդ փուլը նկարագրելու համար օգտագործել «գերբանականություն» տերմինը։

G7-ի արտաքին գործերի նախարարների հանդիպումը տեղի կունենա Փարիզում նոյեմբերի 9-10-ը։