Էրդողանը կրկին առաջարկել է Ստամբուլը որպես Ուկրաինայի հարցով բանակցությունների վայր

Թուրքիան պատրաստ է, անհրաժեշտության դեպքում, կրկին առաջարկել Ստամբուլը որպես ուկրաինական հակամարտության կարգավորման բանակցությունների վայր։ Այս մասին լրագրողներին հայտարարել է նախագահ Ռեջեփ Թայիփ Էրդողանը Բաքվից վերադառնալուց հետո։

«Ստամբուլում մեր ստեղծած բանակցային հարթակը, մեր հացահատիկային միջանցքի նախաձեռնությունը և գերիների փոխանակման գործում մեր խաղացած դերը խաղաղության գործընթացում Թուրքիայի առանցքային դիրքորոշման աննախադեպ օրինակ են։

Մենք պատրաստ ենք, անհրաժեշտության դեպքում, կրկին Ստամբուլը դարձնել բանակցությունների կենտրոն և կիրառել բոլոր դիվանագիտական ​​գործիքները։ Մենք հավատում ենք խաղաղության հասնելու հնարավորությանը», - ասել է նա։