Հնդկաստանի ռազմաօդային ուժերի Իլ-76 ինքնաթիռը համաշխարհային ռեկորդ է սահմանել՝ վայրէջք կատարելով Հիմալայների ավիաբազայում

Հնդկաստանի ռազմաօդային ուժերի Իլ-76ՄԴ ծանր ռազմական տրանսպորտային ինքնաթիռը համաշխարհային ռեկորդ է սահմանել այս տեսակի ինքնաթիռների համար՝ վայրէջք կատարելով Հիմալայներում գտնվող աշխարհի ամենաբարձր օդանավակայանում։

Ինքնաթիռը վայրէջք է կատարել ռազմավարական Նյոմա ավիաբազայում, որը գտնվում է ծովի մակարդակից 4175 մետր բարձրության վրա։

«Սա նոր հանգրվան նշանավորեց Հնդկաստանի ռազմական ավիացիայի պատմության մեջ։ Իլ-76ՄԴ-ի վայրէջքը ցույց տվեց Հնդկաստանի աճող կարողությունը զորքեր և զենք տեղակայելու մոլորակի ամենադժվարամատչելի բարձրլեռնային շրջաններում», - հաղորդել է ՌՕՈՒ-ն։

Ըստ The Times of India-ի, Իլ-76ՄԴ-ի ռեկորդային վայրէջքը ցույց տվեց այս ռուսական նախագծված ինքնաթիռի լայնածավալ հնարավորությունները, ինչպես նաև անձնակազմի բացառիկ հմտությունն ու պրոֆեսիոնալիզմը։

Նյոմա ավիաբազան գտնվում է Հնդկաստանի Լադախի միութենական տարածքի Դեմչոկ հատվածում՝ Չինաստանի հետ իրական վերահսկողության գծի (LAC) մոտ։