Լեհաստանում մեկնարկել են «ցանկացողների կոալիցիայի» առաջին զորավարժությունները

Լեհաստանում մեկնարկել են «ցանկացողների կոալիցիայի» առաջին զորավարժությունները։

11 երկրից շուրջ 2800 զինծառայող կմասնակցի Ուկրաինային աջակցող «ցանկացողների կոալիցիայի» առաջին զորավարժություններին։ Դրանց նպատակն է ստուգել, թե ինչպես կարելի է կայուն խաղաղություն ապահովել Ուկրաինայում պատերազմի ավարտից հետո, հայտնել են Ֆրանսիայի և Մեծ Բրիտանիայի պաշտպանության նախարարությունները։

«Կոալիցիա-2026» զորավարժությունները ղեկավարում են Ֆրանսիան և Մեծ Բրիտանիան, իսկ հիմնական հյուրընկալող երկիրը Լեհաստանն է, հաղորդում է DW-ն։ Դրանք կշարունակվեն մինչև նոյեմբերի 22-ը։ Գերմանիան զորավարժություններին կուղարկի շուրջ տասը շտաբային սպա, օդային լիցքավորման ինքնաթիռներ և նյութատեխնիկական ապահովման ստորաբաժանումներ, ինչպես նաև լոգիստիկ աջակցություն կցուցաբերի իր տարածքով զինծառայողների և մատակարարվող բեռների տեղափոխմանը։