ՄԱԿ-ը հաստատել է Ուկրաինայում 17 968 խաղաղ բնակչի մահը՝ պատերազմի սկզբից ի վեր

ՄԱԿ-ի տվյալներով՝ Ուկրաինայում խաղաղ բնակչության շրջանում զոհերի թիվը վերջին մեկ տարվա ընթացքում աճել է 85%-ով։ Միայն սեպտեմբերին ռուսական հարվածների հետևանքով զոհվել է 328 խաղաղ բնակիչ, ևս 2105-ը՝ վիրավորվել։

ՄԱԿ-ի ներկայացուցիչ Կայոկո Գոտոյի խոսքով՝ սա լայնածավալ պատերազմի մեկնարկից ի վեր մեկ ամսվա ընթացքում գրանցված զոհերի և վիրավորների ռեկորդային ցուցանիշն է։ Նախնական տվյալները վկայում են, որ հոկտեմբերին տուժածների թիվը նույնպես մնացել է բարձր մակարդակի վրա։

Լայնածավալ ներխուժման մեկնարկից ի վեր ՄԱԿ-ը հաստատել է Ուկրաինայում 17 968 խաղաղ բնակչի մահը, այդ թվում՝ 874 երեխայի։ Եվս 57 713 մարդ վիրավորվել է։

Միևնույն ժամանակ, ՄԱԿ-ը նշում է, որ զոհերի և վիրավորների իրական թիվը կարող է զգալիորեն ավելի մեծ լինել, քանի որ հնարավոր չէ ստուգել բոլոր դեպքերը, հատկապես՝ Ռուսաստանի կողմից օկուպացված տարածքներում։