BYD-ը փորձարկում է նոր մինիվենը․ հայտնի են մեքենայի չափերն ու նստատեղերի դասավորությունը

Չինական BYD ավտոարտադրողը փորձարկում է Ocean մոդելային շարքի իր առաջին մինիվենը։ Մեքենայի նախատիպի լուսանկարներն ու տեսանյութերը վերջին օրերին տարածվել են համացանցում։

Ընկերությունը Ocean-V կոնցեպտը ներկայացրել էր 2026 թվականի ապրիլին՝ Պեկինի ավտոսրահում։ Այն ուշադրություն էր գրավել ֆուտուրիստական դիզայնով և երկու առանձնահատուկ ռեժիմով՝ ճամբարային և կինոթատրոնի։

Չինական լրատվամիջոցների տվյալներով՝ նոր մինիվենի երկարությունը կկազմի 5145 մմ, լայնությունը՝ 1970 մմ, իսկ բարձրությունը՝ 1805 մմ։ Սրահը նախատեսված կլինի յոթ ուղևորի համար՝ 2+2+3 դասավորությամբ։

Մեքենայի շարժիչի և մարտկոցի տեխնիկական բնութագրերը դեռ չեն հրապարակվել։ Ենթադրվում է, որ այն կունենա BYD-ի DM-i միացվող հիբրիդային համակարգը և Blade մարտկոցները։

Նոր մոդելի թողարկման ժամկետների և գնի վերաբերյալ ընկերությունը դեռ մանրամասներ չի ներկայացրել։