ՇՈԿ Nvidia-ում․ Ջենսեն Հուանգը հեռանում է, ընկերության բաժնետոմսերը փլուզվում են

Արհեստական բանականության ոլորտի առաջատար Nvidia ընկերության համահիմնադիր և գլխավոր տնօրեն Ջենսեն Հուանգը հրաժարական է տվել՝ լքելով նաև ընկերության տնօրենների խորհուրդը։ Այս մասին հայտնում է Reuters-ը։

63-ամյա Հուանգի հեռանալուց հետո ընկերության ֆինանսական տնօրեն Քոլեթ Քրեսը ժամանակավորապես կզբաղեցնի գլխավոր տնօրենի պաշտոնը, մինչև մշտական իրավահաջորդի նշանակումը։ Տնօրենների խորհուրդը սկսել է նոր ղեկավարի որոնման գործընթացը։ 

Հուանգի հրաժարականը հաջորդել է նրա անձնական կյանքի շուրջ սկանդալային բացահայտումներին։ Լրատվամիջոցները հայտնել էին երկու արտամուսնական կապերի մասին, որոնցից մեկը՝ ընկերության աշխատակցուհու, մյուսը՝ չինական հետախուզության հետ կապեր ունենալու մեջ կասկածվող գործարար կնոջ հետ։ Հուանգը խոստովանել էր արտամուսնական կապ ունենալը, սակայն հերքել էր, որ տեղյակ է եղել կնոջ՝ Չինաստանի հետ ենթադրյալ կապերի մասին։ 

Լուրերի ֆոնին Nvidia-ի բաժնետոմսերը նախաշուկայական առևտրում նվազել են ավելի քան 10 տոկոսով։ Ընկերության շուկայական արժեքը վերջին օրերին զգալիորեն նվազել է՝ առաջացնելով ներդրողների մտահոգությունը ղեկավարության փոփոխության և տեխնոլոգիական հսկայի ապագա ռազմավարության վերաբերյալ։ 

Հուանգը Nvidia-ն համահիմնադրել է 1993 թվականին և ավելի քան երեք տասնամյակ ղեկավարել ընկերությունը՝ այն դարձնելով արհեստական բանականության հեղափոխության առանցքային դերակատարներից մեկը։