Մեկնարկել են ՀՀ Կոտայքի մարզպետ Լիլիթ Ստեփանյանի աշխատանքային այցերը մարզի համայնքներ (լուսանկարներ)

 

Ճանաչողական առաջին այցը Նաիրի խոշորացված համայնքում էր։

 Համայնքի ղեկավար Նորայր Սարգսյանի, մարզպետի խորհրդական Ստեփան Բաղդասարյանի, մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության պետ Հրաչյա Վարդանյանի և կրթության, մշակույթի և սպորտի վարչության պետ Կարեն Հունանյանի, ինչպես նաև Նաիրի համայնքի վարչական շրջանների ղեկավարների ուղեկցությամբ մարզպետը շրջել է բոլոր բնակավայրերում:

 

մարզի ղեկավարը եղել է ՀՀ կառավարության  ծրագրով հիմնանորոգված, երկհարկանի, ամբողջությամբ նոր և լուսավոր մանկապարտեզում, որտեղ գործում է նաև Եղվարդի արվեստի դպրոցի մասնաճյուղը: Սուբվենցիոն ծրագրով բնակավայրում ասֆալտապատվում է նաև ներհամայնքային ճանապարհ:

 

 մարզպետը հետաքրքրվել է կատարված աշխատանքներով: Այստեղ ևս ընթացիկ տարում սուբվենցիոն ծրագրեր են իրականացվել՝ խմելու ջրագծերի արդիականացում, ոոռգման համակարգի կառուցում, ասֆալտապատում:

 

 ՀՀ կառավարության «300 դպրոց, 500 մանկապարտեզ» ծրագրի շրջանակում հիմքից կառուցվում է ժամանակակից դպրոց: Լիլիթ Ստեփանյանը շինարարների հետ քննարկել է շինարարության ընթացքին վերաբերող հարցերը: Այս պահին բնակավայրում կրթական պրոցեսն իրականացվում է մշակույթի տան շենքում: Մարզպետն այնտեղ ևս այցելել է, ծանոթացել դասապրոցեսի կազմակերպման ընթացքին:

 

 մարզպետը եղել է կրկին Կառավարության սուբվենցիոն ծրագրերով հիմնանորոգված մանկապարտեզում և արվեստի դպրոցում, ծանոթացել ընթացիկ աշխատանքներին:

 Բոլոր բնակավայրերում մարզպետը հանդիպել է նաև բնակիչներին, լսել նրանց հուզող խնդիրները: Բոլոր բարձրացված հարցերը գույքագրվել են՝ լուծումներ գտնելու նպատակով:

 

Նաիրի համայնքի մյուս բնակավայրերի այցերի մասին՝ հաջորդիվ: