ԱՄՆ-ն երեք ամսում չեղարկել է ավելի քան 6000 վիզա՝ «ծննդաբերության նպատակով զբոսաշրջության» դեմ պայքարի շրջանակում

ԱՄՆ պետքարտուղարությունը վերջին երեք ամսվա ընթացքում չեղարկել է օտարերկրյա քաղաքացիների ավելի քան 6000 վիզա՝ «ծննդաբերության նպատակով զբոսաշրջության» դեմ իրականացվող արշավի շրջանակում։

Այս մասին գերատեսչությունը հայտնել է X սոցիալական ցանցում՝ նշելով, որ չեղարկված վիզաները պատկանել են այն անձանց, որոնք մասնակցել կամ նպաստել են այդ գործունեությանը։

Պետքարտուղարության հայտարարության համաձայն՝ համապատասխան աշխատանքային խումբը բացահայտում և պատասխանատվության է ենթարկում նման գործունեության մեջ ներգրավված անձանց։

Աշխատանքային խումբը ստեղծվել է 2026 թվականի օգոստոսի սկզբին՝ նպատակ ունենալով ամբողջությամբ վերացնել այս գործելակերպը։

Հիշեցնենք, որ ԱՄՆ-ում գործող 14-րդ սահմանադրական ուղղման համաձայն՝ երկրի տարածքում ծնված անձինք, որպես կանոն, ձեռք են բերում ԱՄՆ քաղաքացիություն։ Դոնալդ Թրամփը 2025 թվականի հունվարի 20-ին ստորագրել էր ծննդյան իրավունքով քաղաքացիությունը սահմանափակող հրամանագիր, որը վիճարկվել է մի շարք նահանգների կողմից դատարաններում։