Հորմուզից բացի՝ ևս մեկ նեղուց․ Եմենի ուժերը հետ են քաշվում Բաբ էլ Մանդեբից
Աշխարհ
Եմենի կառավարությանը հարող ուժերը հայտնել են Բաբ էլ Մանդեբ նեղուցի շրջանից և հարակից Դուբաբից հետքաշման մասին։ Նոյեմբերի 15-ի հայտարարությունը միջազգային լրատվամիջոցները հրապարակել են նոյեմբերի 16-ին՝ Հորմուզում նոր միջադեպերի ֆոնին։
Եմենի բանակի բացատրությամբ՝ տեղի է ունենում զորքերի վերադասավորում՝ սպառնալիքներին արձագանքելու և Թաիզի պաշարումը ճեղքելու համար։ Տեղեկատվության նախարար Սալեմ ալ Ավլակին ասել է, որ այդ քայլը պետք է ամրապնդի Ադենի և հարակից շրջանների պաշտպանությունը։
Իրանի աջակցությունը վայելող հութիները ներկայացրել են հակառակ վարկածը։ Նրանց «Սաբա» գործակալության ռազմական աղբյուրի պնդմամբ՝ կառավարական ուժերը կորցրել են դիրքեր ու մատակարարման ուղիներ և ճնշման տակ նահանջել Ադենի ուղղությամբ։
Բաբ էլ Մանդեբը Կարմիր ծովը կապում է Ադենի ծոցին և Սուեզի ջրանցքով անցնող նավագնացության առանցքային հատված է։ Կողմերի հայտարարությունները հաստատում են ուժերի տեղաշարժը, բայց տարբեր կերպ են բացատրում դրա պատճառներն ու արդյունքը։


















































Ամենադիտված
Երևանն անցնում է նոր ժամային գրաֆիկի