Ֆրանսիան՝ նոր գործադուլի շեմին․ ինչ է սպասվում նոյեմբերի 17-ին
Աշխարհ
Ֆրանսիայում նոյեմբերի 17-ին նախատեսվում է համազգային գործադուլի և բողոքի ակցիաների նոր օր։ Արհմիությունները կոչ են անում փողոց դուրս գալ պետական ծառայողներին, երկաթուղայիններին, ուսուցիչներին, ուսանողներին ու դպրոցականներին։
Բողոքի հիմնական պատճառը կառավարության աշխատավարձային առաջարկներն են, որոնք արհմիությունները համարում են անբավարար։ Նրանց պահանջների թվում են աշխատավարձերի ու կենսաթոշակների բարձրացումը և 2027 թվականի պետական ու սոցիալական ապահովության բյուջեների վերանայումը։
Գործադուլի կոչին միացել է նաև Ֆրանսիայի աշխատանքի ժողովրդավարական համադաշնությունը՝ CFDT-ն։ Մասնակցելու կոչեր են հնչել կրթության, առողջապահության, սոցիալական ծառայությունների, փոստային կապի և երկաթուղու ոլորտներում։
Առաջիկա գործադուլը կարող է խաթարել տրանսպորտի և ուսումնական հաստատությունների աշխատանքը։ Խափանումների մասշտաբը կախված կլինի մասնակցությունից, իսկ Փարիզում մետրոյի որոշ կայարաններ կարող են փակվել նաև երթի անվտանգության պահանջներով։


















































Ամենադիտված
Երևանն անցնում է նոր ժամային գրաֆիկի