Ուկրաինայի 2027-ի ֆինանսավորման բացը՝ մինչև 34 միլիարդ դոլար
Աշխարհ
Արժույթի միջազգային հիմնադրամի գնահատմամբ՝ Ուկրաինայի ֆինանսավորման չապահովված մասը 2027-ին կկազմի 32–34 միլիարդ դոլար, իսկ 2028-ին՝ շուրջ 17 միլիարդ։ Այս թվերը հրապարակվել են Կիևի հետ ծրագրի հերթական գնահատման շրջանակում, երբ պատերազմը շարունակում է ծանրացնել երկրի տնտեսության և պետական ֆինանսների վիճակը։
Հիմնադրամը հայտնել է մոտ 1,6 միլիարդ դոլարի նոր հատկացման շուրջ քննարկումներում առաջընթացի մասին։ Գումարի տրամադրումը դեռ վերջնականապես հաստատված չէ․ անհրաժեշտ են ֆինանսավորման երաշխիքներ, մասնագիտական համաձայնություն և գործադիր խորհրդի հավանություն։ Քննարկումները շարունակվելու են առցանց։
Միաժամանակ հիմնադրամը վատացրել է տնտեսական կանխատեսումը՝ 2026-ի համար ակնկալելով համախառն ներքին արդյունքի 0,5 տոկոս, իսկ 2027-ի համար՝ 1 տոկոս անկում։ Գնահատման հիմքում անվտանգության վատթարացումն ու տնտեսական ենթակառուցվածքների վրա հարձակումներն են։ Հաշվարկներում պատերազմի շարունակությունը մինչև 2027-ի ավարտը դիտարկվում է որպես սցենար, ոչ թե անխուսափելի արդյունք։


















































Ամենադիտված
Երևանն անցնում է նոր ժամային գրաֆիկի