ԱՄՆ-ը չի տեսնում որևէ նշան, որ Իրանը պատրաստվում է հարձակվել Վաշինգտոնի վրա
Աշխարհ
ԱՄՆ վարչակազմը չի տեսնում Իրանի կողմից Վաշինգտոնի վրա հնարավոր հարձակման նախապատրաստման որևէ նշան, հայտարարել է ԱՄՆ պետքարտուղար Մարկո Ռուբիոն Մանիլայում լրագրողների հետ զրույցում։
«Ես նույնիսկ չեմ մեկնաբանի այդ հաղորդագրությունները, քանի որ չեմ կարող պատկերացնել, որ որևէ մեկը կկիսվի այդ տեղեկատվությամբ ձեզ հետ։
Եթե դա հետախուզական տեղեկատվություն լիներ, այն կգաղտնիացվեր։ Ես վստահ եմ, որ մեր համակարգերը կարող են նախապես հայտնաբերել այս բաները։ Ես չեմ կարծում, որ կա որևէ անմիջական սպառնալիք», – ընդգծել է ԱՄՆ պետքարտուղարը՝ հավելելով, որ իրեն չեն մտահոգում լրատվամիջոցների հաղորդագրությունները այս հարցի վերաբերյալ։
Ավելի վաղ ԱՄՆ նախագահ Դոնալդ Թրամփը հայտարարել էր, որ եթե Իրանը հարձակվի Վաշինգտոնի վրա, Միացյալ Նահանգները կպատասխանի աննախադեպ ուժով։


















































Ամենադիտված
Երևանն անցնում է նոր ժամային գրաֆիկի