Ալժիրում բախումից հետո հրդեհ է բռնկվել․ 8 մարդ զոհվել է
Արտակարգ Պատահար
Ալժիրի Թամանրասեթ նահանգում նոյեմբերի 17-ի ուշ երեկոյան երկու բեռնատար և մոտոցիկլետ են բախվել, ինչից հետո հրդեհ է բռնկվել։ Քաղաքացիական պաշտպանության ծառայությունը նոյեմբերի 18-ին հայտնել է ութ զոհի մասին, իսկ ազգային ժանդարմերիայի տվյալներով՝ ևս ութ մարդ վիրավորվել է։
Վթարը տեղի է ունեցել Թազրուքից Իդլես տանող ճանապարհին՝ Թազրուքից մոտ 110 կիլոմետր հեռավորության վրա։ Ահազանգը ստացվել է 23։45-ին, և դեպքի վայր են ուղարկվել երեք շտապօգնության ու մեկ հրշեջ մեքենա։
Իրավապահները քննություն են սկսել՝ բախման հանգամանքները պարզելու համար։ Վթարի պատճառը դեռ պաշտոնապես չի հայտարարվել։


















































Ամենադիտված
Երևանն անցնում է նոր ժամային գրաֆիկի