«Վոյաջեր 1»-ի պատմական սահմանը՝ նոր խափանման ստվերում
Աշխարհ
Միացյալ Նահանգների տիեզերական գործակալությունը՝ ՆԱՍԱ-ն, հայտնել է «Վոյաջեր 1»-ի նոր խնդրի մասին․ սարքը դադարել է գիտական ու տեխնիկական տվյալներ փոխանցել։ Հաղորդագրությունը հրապարակվել է այն պահին, երբ առաքելությունը պատրաստվում էր հաստատել Երկրից մեկ լուսային օրվա՝ մոտ 25,9 միլիարդ կիլոմետր հեռավորության պատմական նշաձողը։
Խնդիրը հայտնաբերվել է նոյեմբերի 14-ին։ Երկրի ալեհավաքները շարունակում են որսալ սարքի կրող ռադիոազդանշանը, սակայն դրանով տվյալներ չեն հասնում։ ՆԱՍԱ-ի գնահատմամբ՝ սա վկայում է, որ սարքը դեռ ուղղված է դեպի Երկիր, և հաղորդիչն աշխատում է․ ինժեներները ստուգում են տվյալները հավաքող ու փոխանցման պատրաստող համակարգիչը։
Ազդանշանի ճանապարհը յուրաքանչյուր ուղղությամբ արդեն մոտ 24 ժամ է, ինչի պատճառով ախտորոշումը կարող է շաբաթներ տևել։ Գործակալությունը նախատեսել է նոյեմբերի 19-ին հաստատել հեռավորության նշաձողը՝ կրող ազդանշանի ու հետագծի հաշվարկների միջոցով։ Տվյալների խափանումը չի փոխում զոնդի շարժման արագությունն ու հեռանալու ընթացքը։


















































Ամենադիտված
Երևանն անցնում է նոր ժամային գրաֆիկի