Կիբերհարձակում Եվրահանձնաժողովի դեմ․ արտահոսքը դեռ հաստատված չէ
Աշխարհ
Եվրահանձնաժողովը դարձել է կիբերհարձակման թիրախ, որի հետևանքով խափանվել են աշխատակիցների ներքին ծառայությունները։ Reuters-ի և Euronews-ի նոյեմբերի 19-ի հաղորդումներով՝ դեռ պարզ չէ, թե ովքեր են կանգնած հարձակման հետևում և արդյոք արտահոսել են անձնական տվյալներ։
Խնդիրներն առնչվել են աշխատավարձի, արձակուրդների և բժշկական ծախսերի փոխհատուցման համակարգերին։ Euronews-ի աղբյուրի խոսքով՝ նոյեմբերի 19-ին կադրային Sysper հարթակը կրկին գործել է, մինչդեռ առողջապահական ապահովագրության համակարգը դեռ անհասանելի էր։ Այդ հարթակները պարունակում են աշխատակիցների անունները, հասցեներն ու այլ զգայուն տեղեկություններ։
Եվրահանձնաժողովի խոսնակ Թոմաս Ռենյեն Politico-ին հայտնել է, որ հարձակման հայտնաբերումից հետո ձեռնարկվել են անհրաժեշտ միջոցներ և տեղեկացվել են առնչվող անձինք։ Եվրամիության կառույցների կիբերանվտանգության ծառայությունը գնահատում է վնասը։ Հանձնաժողովի ներքին փաստաթղթերը պահվում են առանձին համակարգում։


















































Ամենադիտված
Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը