«Ակվան»-ը մոտենում է․ Հնդկաստանում տարհանել են ավելի քան 100 հազար մարդու
Հասարակություն
Հնդկաստանի Օդիշա նահանգում «Ակվան» ցիկլոնի մոտենալու պատճառով տարհանվածների թիվն անցել է 100 հազարը։ Նոյեմբերի 19-ին նահանգի գլխավոր քարտուղար Անու Գարգը հայտնել է, որ անվտանգ վայրեր է տեղափոխվել 105 304 մարդ, և տարհանումը շարունակվում է։
Բնակիչները տեղավորվել են 1 224 ապաստարաններում։ Հատուկ ուշադրություն է դարձվում ցածրադիր վայրերին և սողանքների վտանգի տակ գտնվող լեռնային բնակավայրերին։ Ապաստարաններում կազմակերպվում է սննդի, խմելու ջրի, դեղորայքի և անհրաժեշտ պարագաների տրամադրումը։
Օդերևութաբանների կանխատեսմամբ՝ ցիկլոնը նոյեմբերի 20-ին կարող է հասնել Օդիշայի ափ՝ Պուրիի և Գոպալպուրի միջև։ Ափամերձ զբոսաշրջային վայրեր այցելությունները սահմանափակվել են, ձկնորսներին հորդորել են ծով դուրս չգալ։ Իշխանությունները նախապատրաստվում են նաև առատ անձրևների հետևանքով հնարավոր հեղեղումներին։


















































Ամենադիտված
Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը