Թուրքիան մեղադրում է Եվրամիությանը ահաբեկչության դեմ չպայքարելու համար

Թուրքիայի վարչապետ Ռեջեփ Թայիփ Էրդողանը մեղադրել է Եվրամիության երկրներին ահաբեկչության դեմ պայքարում անհետևողական վերաբերմունքի մեջ. հայտնում է TRT Haber-ը:

Էրդողանը հայտարարել է, թե ԵՄ որոշ կազմակերպություններ, որոնց թվում՝ Քրդական աշխատավորական կուսակցությունը և «Թուրք ժողովրդի ազատագրության» ճակատը ճանաչել է որպես ահաբեկչական, սակայն ոչինչ չի ձեռնարկում Թուրքիայի տարածքում դրանց գրոհայինների ահաբեկչությունների դեմ պայքարելու համար:

«Ներկայումս Թուրքիայում ահաբեկչության մեջ մեղավոր ճանաչված 400 քաղաքացի գտնվում է Գերմանիայի տարածքում, և երկրի իշխանությունները ամեն տարի հետաձգում են այդ հանցագործներին արտահանձնելու խնդիրը»,-հայտարարել է Էրդողանը: Նա նաև նշել է, որ Եվրոպայում «Քրդական աշխատավորական կուսակցության» շատ անդամների ձերբակալելուց հետո ազատ են արձակում: