Սիրիայում պղծել են բանաստեղծ Աբու Ալա ալ Մաարի արձանը

Սիրիայում արմատական ծայրահեղականները երեքշաբթի օրը պղծել են միջնադարյան արաբ հեղինակ Աբու Ալա ալ Մաարիի արձանը (Ավ. Իսահակյանի Աբու Լալա Մահարի պոեմի հերոսի նախատիպը. Ծնթ. Լուրեր.com):

Լրատվամիջոցների տվյալներով՝ Աբբասյան դարաշրջանի մեծագույն պոետի հայրենի Մաարաթ Նամանե գյուղում տեղադրված արձանի գլուխը պոկել են, իսկ արձանի չվնասված հատվածի վրա անցքեր են բացել փամփուշտներով:

Լիբանանյան իրավապաշպան Յուսեֆ Մուավադի կարծիքով՝ վանդալիզմի ակտը կատարվել է պոետի՝ կրոնի դեմ ազատամիտ գաղափարներ արտահայտելու համար վրեժ լուծելու նպատակով:

Ալ Մաարին (973-1058) Բաղդադի խալիֆների պալատական բանաստեղծ էր: Փոքր տարիքում նա բորոտությամբ է վարակվել և զրկվել տեսողությունից, ինչը, սակայն, նրան չի խանգարել գրել 30-ից ավել գրքեր և տրակտատներ: Աառվել հայտնի է նրա «Ներման ուղերձ» կատակերգական աշխատությունը: Հետազոտողների կարծիքով՝ Դանթե Ալիգիերին իր «Աստվածային կատակերգությունը» գրելիս օգտվել է այս աշխատության կառուցվածքից: