Նոր բացահայտում՝ կապված Հրանտ Դինքի սպանության հետ

Հրանտ Դինքի սպանության գործը քննող դատավորը ստացել է մի նամակ բանտարկյալից, որտեղ վերջինս տվյալներ է փոխանցում Դինքի սպանության մասին: Այս մասին հաղորդում է «Դողան» լրատվական գործակալությունը: Իրազեկողը, որը ներկայումս գտնվում է Թուրքիայի Թոկաթ նահանգի Կենտրոնական Անատոլիայում, համաձայնել է տեղեկատվություն տրամադրել, եթե իշխանությունները ապահովեն վերջինիս ընտանիքի անվտանգությունը: 

Նամակում իրազեկողը մասնավորապես նշում է, որ սպանությունը ծրագրված է եղել խմբի կողմից, որի անդամն է եղել ինքը Էրհան Թունջելի հետ, ով նախկինում եղել է ոստիկանության ինֆորմատոր և ձերբակալվել է Դինքի սպանությունից հետո: 

Համաձայն «Դողան» գործակալության՝ ինֆորմատորը նշել է, որ ինքը և Թունջելը հերթապահություն են կատարել «Ակոս» թերթի խմբագրատան առջև Հրանտ Դինքի սպանության նախօրեին: 

Ստամբուլի դատավոր Մուամմար Աքքաշը երաշխավորել է իրազեկողի և նրա ընտանիքի պաշտպանությունը:

Հիշեցնենք, որ Հրանտ Դինքը սպանվել էր «Ակոսի» իր գրասենյակի առջև 2007 թվականի հունվարի 19-ին: Մարդասպան Օգուն Սալմասթը դատապարտվել էր 22 տարի ազատազրկման, սակայն դատավորը ի վիճակի չեր եղել բացահայտել հանցագործության բոլոր մեղավորներին, որը զայրույթի մեծ ալիք էր առաջացրել: