Դամասկոսում որոտացած պայթյունից վնասվել է Ռուսաստանի դեսպանատունը

Հինգշաբթի օրը Սիրիայի մայրաքաղաք Դամասկոսում որոտացած խոշոր պայթյունի հետևանքով վնասվել է Սիրիայում ՌԴ դեսպանատան շենքը. գրում է Интерфакс-ը:

Պայթյունից կոտրվել են շինության ապակիները:

Սիրիայում Ռուսաստանի ներկայացուցիչը, պատասխանելով այն հարցին, թե ինչ ավելի լուրջ վնասներ է կրել շենքը, պատասխանել է, որ դիվանագետները այս պահին պարզում են դա:

Դիվանագիտական ներկայացուցիչը հայտնել է, որ չնայած միջադեպին, նրանք շարունակում են իրենց աշխատանքը:

Հիշեցնենք, որ այսօր Դամասկոսում իշխող «Բաաս» կուսակցության կենտրոնական գրասենյակի մոտ ականապատ մեքենա էր պայթել՝ հանգեցնելով խաղաղ բնակչության շրջանում մեծաքանակ զոհերի և վիրավորների: