Պաղեստինի կողմից Իսրայելի վրա հրթիռային հարձակում է տեղի ունեցել

Իսրայելը հայտարարել է Պաղեստինի հետ զինադադարի հաստատումից հետո առաջին անգամ Գազայի հատվածի կողմից հրթիռային հարձակման մասին. գրում է Reuters-ը:

Հրթիռը վայր է ընկել Իսրայելի հարավում՝ Աշքելոն քաղաքից ոչ շատ հեռու: Պայթյունի արդյունքում վնասվել է ճանապարհահատվածը, սակայն ոչ ոք չի տուժել:

Այս պահին հարձակման պատասխանատվությունը պաղեստինյան խմբավորումների ոչ ոք չի ստանձնել:

Հիշեցնենք, որ շաբաթ օրը իսրյելական բանտում մահացել էր 30-ամյա պաղեստինցի կալանավոր, որից հետո Հորդանանի Արևմտյան ափին բողոքի զանգվածային ցույցեր էին բռնկվել: Իսկ իսրայելական բանտերում պահվող պաղեստինցիները հացադուլ են հայտարարել: