ՄԱԿ-ի ԱԽ-ն հեռացրել է Բին Լադենի անունը «Սև ցուցակից»

ՄԱԿ-ի Անվտանգության խորհուրդը հեռացրել է Ուսամա բին Լադենի անունը «Սև ցուցակից», որում ընդգրկված են «Ալ Քաիդայի» հետ կապված մարդիկ և կազմակերպություններ. գրում է Reuters-ը:

Ցուցակում հայտնված մարդկանց և կազմակերպությունների նկատմամբ կիրառվում են տնտեսական պատժամիջոցներ, ինչպես նաև սահմանափակվում է նրանց տեղափոխությունն աշխարհի երկրներով:

Ինչպես հայտնում են ՄԱԿ-ի ԱԽ-ից, պաշտոնապես Բին Լադենը հեռացվել էր ցուցակից դեռևս փետրվարի 21-ին, սակայն դրա վերջնական հաստատման համար անհրաժեշտ է, որ այն երկրները, որոնցում առկա են Բին Լադենի ֆինանսական ակտիվները, պատասխանեն Ալ Քաիդայի դեմ պատժամիջոցների ՄԱԿ-ի ԱԽ-ի հատուկ հանձնաժողովի հայցին, վստահեցնելով, որ այդ գումարները չեն փոխանցվի «Սև ցուցակում» գտնվող մարդկանց կամ կազմակերպությունների հաշիվներին կամ չեն ուղղվի ահաբեկչությունը որևէ կերպ ֆինանսավորելուն: Միայն դրանից հետո Բին Լադենի ակտիվները կսառեցվեն:

ՄԱԿ-ի ԱԽ-ի Ալ Քաիդայի դեմ պատժամիջոցների «Սև ցուցակում» ներկայումս կա 233 մարդ և 63 կազմակերպություն: Օսամա Բին Լադենն ընդգրկվել էր այդ ցուցակում 2011-ի հունվարին:

Հիշեցնենք, որ Ալ Քաիդայի նախկին առաջնորդ, աշխարհում N1 ահաբեկիչ Օսամա Բեն Լադենը սպանվել էր ամերիկյան հատուկ նշանակության ջոկատի կողմից 2011-ի մայսիսին Պակիստանի Աբասաբադ քաղաքում:

2012թ. ապրիլին նրա ընտանիքի անդամները Պակիստանից տեղափոխվեցին հայրենիք՝ Սաուդյան Արաբիա: Որոշ տեղեկությունների համաձայն՝ նրանց թվում կային Բեն Լադենի 3 այրիները, 7 զավակները և 5 թոռները: