Թալիբները հարձակվել են Աֆղանստանում ՆԱՏՕ-ի գլխավոր ռազմաբազայի վրա
Մերձավոր Արևելք
«Թալիբան» շարժման գրոհայինները հրթիռային հարձակման են ենթարկել ԱՖղանստանի Հելմենդ նահանգում գտնվող ՆԱՏՕ-ի գլխավոր ռազմաբազան, ուր 4 հազար զինծառայող է գտնվում ԱՄՆ-ից, Մեծ Բրիտանիայից, Դանիայից և Էստոնիայից:
Աֆղանստանում ՆԱՏՕ-ի ուժերի ներկայացուցչի խոսքերով՝ հրթիռային հարձակումը բազային որոշակի վնասներ է հասցրել, սակայն բազայի տարածքում մարդկային զոհեր չկան:
Հիլմենդում բազայի վրա կատարած հարձակումը վկայում է թալիբների ուժեղացման մասին՝ չնայած այն բանին, որ ավելի վաղ հայտարարվել էր, թե Աֆղանստանում թալիբների ռազմական ակտիվությունը, ի տարբերություն 2011–ի, նվազել է 7%-ով: Այս շաբաթ Աֆղանստանում ՆԱՏՕ-ի ուժերի ներկայացուցիչը հայտարարել է, որ թալիբների ռազմական ակտիվության ոչ մի նվազում չի արձանագրվել:
Թալիբները, շնորհիվ ուժով իրենց գերազանցող հակառակորդի հետ մշտական մարտնչելու հանգամանքին, սովորել են լավ կողմնորոշվել մարտական գործողություններ իրականացնելու ժամանակ, և դրա արդյունքում լուրջ ռազմական ուժ են ներկայացնում երկրում, խոստովանում է ՆԱՏՕ-ի ներկայացուցիչը. տեղեկացնում է ИТАР-ТАСС-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
