Դամասկոսում մարտերը չեն դադարում
Մերձավոր Արևելք
Դամասկոսի արևելյան Ջուբար ծայրամասը դարձել է սիրիական կառավարական զորքերի և ապստամբ գրոհայինների միջև ծավալված ռազմական գործողությունների մարտադաշտ:
Սուրիա ալ Ան գործակալությունը հայտնում է, որ Աբբասյանների հրապարակի մատույցներում գրոհայինների փորձը կրկին անհաջողության է մատնվել: Ահաբեկիչները գործում էին մի քանի օր առաջ գործած սցենարով. բանակի հերթապահ զորքերի մոտ իրականացրած պայթյունից հետո նրանք փորձել են մտնել քաղաքի կենտրոն, սակայն դիմադրության են հանդիպել:
Ալ Ջազիրա հեռուստաընկերությունը, այնուամենայնիվ, հղում կատարելով դաշտային հրամանատարությանը, նշում է, որ Ջուբար թաղամասը գտնվում է, այսպես կոչված, Սիրիայի ազատ բանակի վերահսկողության տակ:
Դիմադրության օջախները պահպանվում են Դամասկոսի հարավում՝ Դարայա և Մուադամի վայրերում: Այստեղ 100 օրից ավել է, ինչ կատաղի բախումներ են ընթանում: Գրոհայինների հայտնվելը Աբբասյան հրապարակի շրջակայքում սպառնում է մոտակա քրիստոնեական թաղամասերին՝ Բաբ Թումային, Քասաային և Քուսուրին:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
