Սիրիացի ընդդիմադիրները Հալեպի մոտակայքում հայտնաբերել են 72 այրված դիակ
Մերձավոր Արևելք
Սիրիական ընդդիմությունը հայտարարել է 72 այրված դիակի հայտնաբերման մասին Հալեպ քաղաքի մոտակա գյուղերից մեկում, որի վրա վերահսկողություն հաստատելու համար պայքարում են ապստամբ գրոհայիններն ու սիրիական կառավարական բանակը. ուրբաթ օրը հայտնում է Agence France-Presse-ը:
Ընդդիմության տվյալներով՝ գյուղի համար մարտերն ընթանում էին 5 օր առաջ: Ինչպես տեղեկացնում է Լոնդոնում տեղակայված Սիրիայի հարցով Մարդու իրավունքների դիտարանը (OSDH), Սիրիայի ռազմական ուժերը փորձում էին վերահսկողություն հաստատել այդ բնակավայրի նկատմամբ, որպեսզի նրա միջոցով օգնական ուժեր տեղափոխեն Հալեպի միջազգային օդանավակայանի համար գրոհայինների հետ մարտեր մղող կառավարական զորքերին:
Սիրիայի ընդդիմադիր և հեղափոխական ուժերի Ազգային կոալիցիան պնդում է, թե սիրիական ռազմական ուժերը մահապատժի են ենթարկել գյուղում 72 մարդու, իսկ այնուհետ՝ այրել նրանց դիակները: Ընդդիմադիրները հայտնում են, որ նրանց թվում կան կանայք և երեխաներ, նաև՝ ծեր մարդիկ: Չորեքշաբթի օրը ճանաչվել է 49 մարդու մարմին:
AFP-ն նշում է, որ չի կարող հաստատել այդ տեղեկությունն անկախ փորձագետների հետազոտության բացակայության պատճառով:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
