Ասադը մեղադրել է Բրիտանիային միամտության և վախ սփռելու քաղաքականության մեջ

Սիրիայի նախագահ Բաշար Ասադը մեղադրել է Մեծ Բրիտանիայի կառավարությանը միամտության, ինչպես նաև վախի քաղաքականություն վարելու մեջ: Այս մասին գրում է РБК-ն` հղում կատարելով բրիտանական լրատվամիջոցներին:

«Մենք կարծում ենք, որ կրակ տվողը հանկարծակի կվերածվի կրակ մարողի: Անկեղծ ասած, Մեծ Բրիտանիան միշտ էլ ոչ կառուցողական դեր է խաղացել մեր տարածաշրջանում տասնամյակների և նույնիսկ հարյուրամյակների ընթացքում: Խնդիրն այն է, որ այս անգլիական կառավարության ոչ հասուն հռետորիկան միայն քողարկում է այն վախ տարածելու և հեգեմոնիայի քաղաքականությունը, որը նա ուներ ավանդաբար: Ինչպե՞ս մենք կարող ենք խնդրել Բրիտանիային խաղաղարարի դեր խաղալ, եթե նա ռազմական լուծմանն է հակված»,-ասել է Բաշար Ասադը:

Հիշեցնենք, որ փետրվարի 28-ին Հռոմում կայացած «Սիրիայի բարեկամների» գագաթնաժողովում Մեծ Բրիտանիայի արտգործնախարար Վիլյամ Հեյգը հայտարարեց, որ չի բացառում, թե Բրիտանիան զենք կմատակարարի սիրիացի ապստամբներին:

Ասադը նաև հայտարարել է, որ չի պատրաստվում լքել իր Սիրիան կամ քննարկել իր հրաժարականը որևէ օտարերկրյա պետության հետ: