Սիրիական ընդդիմությունը ձևավորել է Հալեպ նահանգի խորհուրդ

Սիրիայի ընդդիմությունը կիրակի օրը հայտարարել է երկրի հյուսիսում Հալեպ նահանգի խորհուրդ ստեղծելու մասին. տեղեկացնում է Agence France-Presse-ը:

Հալեպի նահանգը՝ մուհաֆազա, երկրի խոշորագույն նահանգն է: Նրանում բնակվում է Սիրիայի բնակչության ¼-ը: Հալեպ քաղաքը Սիրիայի ամենախիտ բնակեցված քաղաքն է: Վերջին կես տարվա ընթացքում Հալեպը վերածվել էր մարտական գործողությունների թատերաբեմի: Քաղաքի մեծ մասը վերահսկվում է, այսպես կոչված, Սիրիայի ազատ բանակի կողմից:

Ընդդիմության ներկայացուցիչների խոսքերով՝ նահանգի բնակիչները լիազորել են մոտ 240 ընդդիամդիր առաջնորդներին նահանգային խորհուրդ ձևավորել: Հալեպում անվտանգության վիճակով պայմանավորված՝ ընտրություններն այնտեղ անցկացնել հնարավոր չի եղել: Ընդդիմադիր ընտրական հանձնաժողովը հավաքվել և քվեարկել է թուրքական Ղազիայնթեփ քաղաքում՝ թուրք-սիրիական սահմանից 50 կմ հյուսիս:

Խորհրդի 29 անդամների անունները կհրապարակվեն երկուշաբթի օրը: Չնայած այն բանին, որ ընտրություններն անցել են Թուրքիայում, խորհուրդը նստելու է Սիրիայի տարածքում. հայտնել է քվեարկոթյան կազմակերպիչներից մեկը: