ՄԱԿ-ը չեղյալ է հայտարարել մարաթոնը Գազայում կանանց վրա ՀԱՄԱՍ-ի դրած արգելքի պատճառով

Գազայի հատվածում ՄԱԿ-ը ներկայացնող UNRWA կազմակերպությունը չեղյալ է հայտարարել կազմակերպվող մարաթոնը ՀԱՄԱՍ-ի որոշման պատճառով, որով արգելվում է կանանց մասնակցել այդ վազքին. գրում է Agence France-Presse-ը:

ՀԱՄԱՍ շարժումը, որը վերահսկում է Գազայի հատվածը, իր դրած արգելքը մեկնաբանել է այն հանգամանքով, որ անթույլատրելի է համարում մարաթոնյան վազքին կանանց և տղամարդկանց համատեղ մասնակցությունը: UNRWA-ն այդ որոշումը մեծ հիասթափություն է անվանել, ՀԱՄԱՍ-ն էլ իր հերթին նշել է, որ ցավում է վազքը չեղյալ հայտարարելու կապակցությամբ:

Մարաթոնում ակնկալվում էր 800 վազորդների մասնակցոթյուն, որոնց կեսը կանայք էին:

42 կմ մարաթոնը Գազայի հատվածում արդեն 2 անգամ կազմակերպվել է: Կազմակերպիչների խոսքերով՝ անցյալ տարիներին նրանում մասնակցել է շուրջ 1500 մարդ, որոնց թվում՝ նաև կանայք: