Սիրիացի փախստականների թիվը հատել է 1 մլն-ի սահմանը. ՄԱԿ
Մերձավոր Արևելք
Սիրիայից հարևան երկրներ տեղափոխված փախստականների թիվը հատել է 1 մլն-ի սահմանը: Այս մասին ասված է փախստականների հարցերով ՄԱԿ-ի Գերագույն հանձնակատար Անտոնիո Գութերեշի հայտարարության մեջ. գրում է ИТАР-ТАСС-ը:
«Մեկ միլիոն մարդ արդեն փախստական է դարձել, հազարավորները շարունակում են լքել Սիրիայի տարածքն ամեն օր»,-ասում է հանձնկատարը, ում գնահատականով իրավիճակը Սիրիայում մոտենում է լիակատար աղետի: «Այս ողբերգությանը պետք է վերջ դրվի»,-ասում է Գերագույն հանձնակատարը:
Առկա տեղեկությունների համաձայն՝ անցյալ ամիսների ընթացքում սիրիացի փախստականների թիվը կտրուկ աճել է: Միայն 2013թ. սկզբի դրությամբ՝ արդեն 400 հազար փախստական է լքել Սիրիայի տարածքը: Նրանց մեծ մասը հաստատվել է հարևան Լիբանանում, Հորդանանում, Թուրքիայում, Իրաքում և Եգիպտոսում:
Հանձնակատարը նշում է, որ այդ երկրներն իրենց պետության սահմանները բաց են պահում փախստականների առջև՝ չնայած այն բանին, որ գնալով ավելի դժվար է դառնում տեղավորել մարդկանց այդ հսկայական քանակը: Լիբանանի բնակչությունը, օրինակ, սիրիացիների հաշվին աճել է 10%-ով, իսկ Թուրքիայի կառավարությունն արդեն 600 մլն դոլար է ծախսել փախստականների 17 ճամբարների շինարարության համար:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
