Թունիսի նոր վարչապետը հայտարարել է ժամանակավոր կառավարության կազմը

Թունիսի նոր վարչապետ Ալի Արեյդը, ով նախկինում ղեկավարում էր ՆԳՆ-ն, հայտարարել է ժամանակավոր կառավարության կազմը: Այդ կառավարության մեջ տեղ են գտել Թունիսի խոշոր 3 կուսակցություների անդամները, ինչպես նաև մի քանի ազատ պատգամավորներ. գրում է Deutsche Welle-ն:

Ընդ որում, նոր կառավարության կազմում, նախկինի պես, մեծամասնություն են կազմում իսլամիստական «Ալ Նահդա»՝ «Վերածնունդ» կուսակցության անդամները, որոնց շարքում է և ինքը նոր վարչապետը:

Նրա նախորդը՝ Համադի Ջեբալին, հարկադրված էր լքել իր պաշտոնն ընդդիմադիր առաջնորդ Շոքրի Բելաիդի սպանությունից հետո երկրում բռնկված քաղաքական սկանդալի արդյունքում: