Մեկ օրում 2-րդ ահաբեկչությունը Աֆղանստանում. զոհերը երեխաներ են
Մերձավոր Արևելք
Աֆղանստանի արևելքում գտնվող Խոսթ քաղաքում մահապարտ-ահաբեկչի իրականացրած պայթյունի հետևանքով զոհվել է 8 երեխա և մեկ ոստիկան, երկու հոգի էլ վիրավորվել է. գրում է AFP-ն:
«Մահապարտ ահաբեկիչը պայթել է Խոսթ քաղաքի աֆղանական ոստիկանության և միջազգային համագործակցության ուժերի հսկիչ անցակետի մոտ»,-ասված է տեղի նահանգապետի տարածած պաշտոնական հայտարարության մեջ: Ոստիկանը զոհվել էր այն բանից հետո, երբ նկատել էր և փորձել վնասազերծել ահաբեկչին:
Հիշեցնենք, որ այսօր առավոտյան մայրաքաղաք Քաբուլում ևս մեկ ահաբեկչական ակտ էր տեղի ունեցել ՊՆ-ի շենքի մոտ, որի արդյունքում զոհվել էր 8, վիրավորվել 10՝ մարդ: Նշենք, որ այդ պահին պաշտոնական այցով Քաբուլում էր ԱՄՆ-ի Պենտագոնի ղեկավար Չակ Հեյգելը:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
