Մուսուլմաններն ավելի քան 10 քրիստոնեական տուն են այրել Պակիստանում

Նվազագույնը 10 քրիստոնեական բնակելի տուն է այրվել Պակիստանի Լահոր քաղաքում կատաղած մուսուլմանական ամբոխի կողմից: Այս մասին հայտնում է տեղի ոստիկանությունը. փոխանցում է ИТАР-ТАСС-ը:

Ինչպես նշում են ոստիկանները, թալանվել է քրիստոնեական համայնքի ներկայացուցիչների ունեցվածքը, ովքեր հապճեպ լքել են իրենց այրվող բնակարանները:

Միջադեպի պատճառ է դարձել աստվածապղծության և Մուհամմեդ մարգարեին վիրավորելու համար նախօրեին քրիստոնեական թաղամասի բնակիչներից մեկի նկատմամբ ներկայացված մեղադրանքը:

Ոստիկանությունը հայտնում է, որ արդեն ձերբակալվել են դաժան հաշվեհարդարի կազմակերպիչներից մի քանի հոգի: