Սիրիական ընդդիմությունը կրկին հետաձգել է անցումային կառավարություն ձևավորելու նիստը

Սիրիայի ընդդիմադիր և հեղափոխական ուժերի Ազգային կոալիցիան հետաձգել է երեքշաբթի օրը նախատեսված հանդիպումը, որը նպատակ ուներ ձևավորել անցումային կառավարություն. գրում է Ալ Արաբիան՝ հղում կատարելով ընդդիմության ներկայացուցիչ Սամիր Նաշարին:
Ընդդիմադիր գործչի խոսքերով՝ նիստի հետաձգման պատճառ է դարձել ապագա անցումային կառավարության ձևավորման հարցում «խոր տարաձայնությունները»: Նա պարզաբանել է, որ հանդիպման վերջնական ժամկետը դեռ որոշված չէ, սակայն, ամենայն հավանականությամբ, այն կկայանա մարտի 18-20-ը:

Ընդդիմադիր գործիչների հանդիպումը վերջին 2 շաբաթվա ընթացքում արդեն հետաձգվել է 2 անգամ: Ի սկզբանե այն պետք է կայանար մարտի 2-ին, որից հետո հանդիպումը տեղափոխվել էր մարտի 12-ին: