Եգիպտոսի նախկին նախագահ Մուբարաքը կոչ է արել համախմբվել Մուրսիի շուրջ
Մերձավոր Արևելք
Եգիպտոսի նախկին նախագահ Հոսնի Մուբարաքը վստահություն է հայտնել, որ երկրում ստեղծված ճգնաժամը հաղթահարելու համար քաղաքացիներին անհրաժեշտ է միավորվել երկրի գործող նախագահ Մուհամմեդ Մուրսիի շուրջ: Իշխանությունից հեռացված տապալված նախագահի այս դիրքորոշումը լրագրողներին փոխանցել է նրա փաստաբանը. տեղեկացնում է France-24-ը:
«Մուբարաքը տխրում է և շատ անհանգստացած է երկրում ստեղծված իրավիճակի համար»,-ասել է փաստաբանը՝ պատասխանելով այն հարցին, թե ինչպես է Մուբարաքը գնահատում երկրում ստեղծված իրավիճակը: Նախագահի պաշտոնից հեռանալուց անմիջապես հետո Մուբարաքի նկատմամբ միանգամից մի քանի քրեական գործ հարուցվեց՝ մեղադրելով նրան ցուցարարների նկատմամբ զենք կիրառելու համար:
Դատարանը, սակայն, բավարար ապացույցներ չգտավ այդ մեղադրանքն ապացուցելու համար և մահապատժի փոխարեն Մուբարաքին դատապարտեց ցմահ ազատազրկման:
Իր հերթին գործող նախագահ Մուհամմեդ Մուրսին նույնպես ազատազրկման փորձ ունի: Նա հանդիսանում է Մուբարաքի ռեժիմի կողմից հալածվող «Մուսուլման եղբայրներ» կուսակցության անդամ և որպես արգելված կուսակցության գործիչ՝ մի քանի անգամ եղել է բանտում:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
