Սիրիական ընդդիմությունը վերահսկում է երկրի տարածքի 2/3-ը. Իսրայելի հետախուզություն
Մերձավոր Արևելք
Սիրիական ընդդիմության ջոկատները վերահսկում են Սիրիայի բնակելի շրջանների 2/3-ը. հայտարարել է Իսրայելի ռազմական հետախուզության պետ Ավիվ Կոհավին՝ տեղի ունեցածը որակելով որպես հարևան պետության փլուզում:
Հերցլի քաղաքում հանդես գալով խորհրդակցության ժամանակ՝ գեներալ-մայորը զգուշացրել է, որ սիրիական ընդդիմության շարքերում մեծանում է ծայրահեղ իսլամիստների քանակը, ովքեր Բաշար Ասադի ռեժիմը տապալելուց հետո իրենց էներգիան կուղղեն Իսրայելի դեմ:
Նա հավելել է, որ Իսրայելին սահմանակից Գոլանի բարձրունքը վերածվել է միմյանց դեմ հակամարտող կողմերի ձեռքին խաղալիք: «Իսրայելի ապառազմականացված տարածքի և մնացյալ Սիրիայի հետ կապող 17 անցումներից 11-ը գտնվում է ապստամբների ձեռքում, որով անցնում են ոչ միայն փախստականներ, այլև զենք և ջիհադիստական տարրեր»,-ասել է հատուկ ծառայության ղեկավարը:
Նա զգուշացնում է նաև, որ Ասադի կողմնակցները պատրաստվում են քիմիական զենք կիրառել ընդդիմության դեմ:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
